عايزه تعرفى ازاى تعملى زبده فلاحى . . . تعالى وانا اقولك بالصور

السلام عليكم ورحمة الله وبركاته
بصوا بقى يا حبايب قلبى أنا أول مره ادخل القسم ده . . لأ . . وايه وجايبه لكم موضوع كمان بس يارب يعجبكم . .
أنا اصلآ من القاهرة بس عايشه فى بنها مع زوجى . . .
عايزه اقول لكم ان زوجى من القاهرة بس عايش فى بنها من زمان وعلمنى حاجات كتير مفيده
مكنتش اعرفها زى عمايل الجبنه القريش و الزبده الفلاحى اللى قررت اقول لكم عليها النهارده
انا هنا عندنا اللبن ماشاء الله كله خير . . . يعنى اغلى اللبن واتركيه لما يبرد ودخليه الثلاجه للصباح
وعند استخدامه نشيل القشطه من على الوجه و نضعها فى علبه بلاستك ونشيلها فى الفريزر وكل مره
نجيب لبن نعمل نفس الخطوات لغاية ما نجمع كميه قشطه معقوله زى دى . . هى حوالى كيلو قشطه

بعدين تاخدى القشطه اللى جمعناها و تضعيها فى اناء واسع و غويط ونروب القشطه بأيدك كويس جدآ


لغاية ما تلاقيها نزلت شرش زى شرش الجبنه زى ده كده

معلش روبى كويس جدآ لغايه ما تبطل تنزل شرش وتلاقيها كونت عندك احلى زبده فلاحى عملاها بأيدك
ودى صورة الزبده اللى عملناها

كفايه انها من عمايل ايدك ومضمون انها مش مغشوشه وطعمها روعه وبألف هنا و صحه

آه نسيت اقولكم ما ترموش الشرش اللى هينزل من القشطه ممكن تدوبى فيه ملح وتزودى بيه المش اللى عندك هيتقله لأن الشرش ده بيكون دسم . .. . يارب أكون افدتكم بشئ. . . .



ماشاء الله عليكِ
رووووووووووووعة
يعطيك العـــــــــــــافية على الوصفة الرائعة
لاعدمنا روعة مواضيعكِ
سلمت يداااااك غاليتي
لكي كل الود